भवन संहिता कार्यान्वयन गर्दैन

एकाएक देखिएको कोलाहल, सबैको भागाभाग अनी घाईतेहरुको भिड त्यही बिचमा प्राथमिक उपचारमा निरन्तर लागिपरेका स्वास्थ्यकर्मीहरु । साईरन सहितका एम्बुलेन्सको चाप बढ्दै जाँखा देख्नेहरु पनि छक्क परे । आज बिहान करिब ९ बजे तिर जिल्ला प्रशासन कार्यलय अगाडीको चोकमा देखिएको यो दृश्य हेर्दा लाथ्यो, ठुलो दुर्घटनाबाट क्षती हुँदैछ । तर त्यो सबै १९ औ भुकम्पीय सुरक्षा दिवसको सन्दर्भमा रेक्रस सोसाईटीे आयोजना गरेको भुकम्पीय सुरक्षा सम्बन्धी सचेतना मुलक कार्यक्रम थियो । हेर्दा उस्तै लाग्ने दर्दनाक घटना हेर्नको लागि  स्थानीयहरुको समेत एकाएक भिड लाग्यो ।

यसरी हरेक बर्ष भुकम्पीय सुरक्षा दिवस बिभिन्न कार्यक्रमको आयोजना गरि मनाईन्छ । तर भुकम्पबाट आम नागरिकमा अझै चेतनाको स्तर बढेको पाईँदैन । भुकम्प प्रतिरोधी भौतिक पुर्वाधार निर्माणको काम अझै हुन सकेको छैन । तर आम नागरिकलाई सुरक्षित स्थानमा जाने, नभाग्ने र खुल्ला स्थानमा जानेसम्म थाहा छ । 

१९९० सालको भुकम्पबाट भएको क्षती र त्यस्ता क्षती हुन नदिने खालको सचेतना जगाउन बर्षमा एक पटक भुकम्पको सुरक्षाको बारेमा जानकारी दिने काम भएको जस्तो देखिएपनि दरिला र बलिया भौतिक पुर्बाधारको बारेमा सरकार आफै अनभिज्ञ छ । सरकार आफैले ल्याएको भवन संहिताको आफैले कार्यान्वयन गराउन सकेको छैन । सहरी विकास मन्त्री भन्नुहुन्छ, भवन संहिता कार्यान्वयनमा नै समस्या छ,

भवन संहिता सहरी तथा भवन निर्माण बिभागले ल्याउँछ, त्यो संहिता नगरपालिकाहरुले कार्यान्वयन गर्दैनन अनी नगर विकास समितिले बनेका भवन भत्काउँछ, यसले सरकारी निकायमा नै समन्वयको अभाव छ ।

२०७२ बैशाख १२ गते गएको शक्तीशाली भुकम्प पछि केही आम नागरिकमा डरको भावना विकास भएपनि संहिताको बारेमा बुझाउन नसक्दा आम नागरिकहरु अलमलमा छन् । कार्यान्वयन गर्ने निकायमा नै कुरा बाँझ्दा आम नागरिकले कसरी थाहा पाउने त्यो नै अन्यौल छ । बिराटनगरका अधिकांश भवनहरु भवन संहिता बाहिर गएर बनाईएका छन् । नगरपालिकाले कार्यान्वयन गराउन नसक्दा नहुँदा भुकम्प भईहाले के गर्ने भन्ने अन्यौल कायम नै छ ।